Kăn hnê ngăn kong pơlê Dak Lak tơmâng xo mâu hnoăng veăng ‘no hên hĭn lối 11 .500 ngế kăn ƀô̆, mâu ngế cheăng khăm pơlât tung kâp koang pơlât tung lâp kong pơlê, tung mê ai 240 ngế kăn ƀô̆, mâu ngế  pêi cheăng a hngêi pơkeăng, ƀă tơdroăng cheăng rak ngăn kring vế ivá kuăn pơlê. Kăn hnê ngăn Vi ƀan kong pơlê rơkâu khu pú hên dêi thái pơkeăng , mâu ƀok thái pơkeăng pơtối rak vế  hnoăng cheăng , mơdêk khăm pơlât, ai tiô tơdroăng púi vâ rak ngăn ivá kuăn pơlê dêi pơlê kong kơdrâm Buôn Ma Thuột ƀă tung kơpong achê. 

Sap ing apoăng dâng 100 to xoăng koi pơlât, troh nôkố hngêi pơkeăng hiăng ai lối 280 xoăng kong, tơmeăm khoăng, pơkeăng pơlât tơmeăm xúa tung pơlata rôh apoăng ‘no liăn rôe, vâ kwdroh hâ ho ăm  hngêi pơkeăng râ kơpêng. Hlo tơdroăng kal vâ rế hên , pêi cheăng thế rê rơkê ƀă kơmăi kơmok xúa khăm pơlât, kăn hnê ngăn kong pơlê púi vâ hngêi pơkeăng pơtối hơ’lêh nếo, mơdêk rơkê mơngế pêi cheăng.