A tíu tâ phĭu dêi bêng Hải An, pơlê kong kân Hải Phòng, pôa Trần Thanh Mẫn tối pơchân, mâu tíu tâ phĭu thế ‘nâi nhên luât pơkâ, vâ pêi ‘ló, ăm tro, pôi tá ai tơdroăng xía vâ; malối ôh tá tơngôu, ôh tá lôi tŭm tơdroăng ki lâi tung pơkâ; hlối pro hlâu ăm mâu ki lăm tâ phĭu rĕng châ tâ, tâ tơdrêng.

Pôa Trần Thanh Mẫn, Kăn xiâm hnê ngăn Kuô̆k hô̆i tối, kố cho rôh tâ phĭu apoăng xúa lâp lu tơdroăng pơ’lêh kơxô̆ ing Tíu xiâm tơnêi têa troh cheăm bêng tung tơdroăng chêh inâi kuăn pơlê ƀă hồ sơ mơngế lo tơbriât pro kăn. Xua mê, xuân ối hên tơdroăng xơpá, xua mê mâu kơ koan khu râ pơkuâ cheăng thế tơrŭm ƀă vâ pêi tro.

Kăn xiâm hnê ngăn Kuô̆k hô̆i tối pơchân, pơlê kong kân Hải Phòng thế hbrâ rơnáu tơleăng mơnhên hlá đơn teăm tơdrêng, tro pơkâ, tro hnoăng cheăng pêi, tro hâi khế; tăng ngăn rôh ki hên ngế tâ phĭu tro tiô pơkâ sap hâi lơ 2/3/3036 tro lơ 14/3/2026; tơdroăng hnê tối thế châ pêi pro ‘ló tro tŭm tai tâng troh kuăn pơlê.