Tối nhên hnoăng cheăng pơcháu pêi ăm Khu xiâm kring gak séa ngăn mâu tơdroăng cheăng hơnăm 2026 ƀă mâu hơnăm pơtối cho kan kĭn, Kăn xiâm pơkuâ hnê ngăn Đảng tối pơchân, kăn ƀô̆, mâu lêng Khu xiâm kring gak séa ngăn mâu tơdroăng Khu xiâm Kong an pơtối mơhno hiâm mơno ki lĕm tơdrăng môi tuăn ƀă Đảng, Tơnêi têa ƀă kuăn pơlê, pê klêi tŭm tơdroăng pơcháu rak tơniăn kal kí, tơniăn pơlê pơla; mơhno hnoăng cheăng pêi ‘nâi hbrâ hdrối hriăn pêi apoăng, mơjiâng mâu tơdroăng cheăng pêi hlâu vâ tơbleăng pêi châ tơƀrê mâu tơdroăng mơjiâng ƀă kring vế Tơnêi têa.

Pakĭng mê, Kăn xiâm pơkuâ hnê ngăn Đảng xuân pơkâ, Khu xiâm kring gak séa ngăn mâu tơdroăng thế hbrâ rơnáu hdrối tăng ‘nâi mâu tơdroăng ing apoăng, ing hơngế, ôh tá kơdrâ tung tŭm tơdroăng; hlê plĕng tro, tơleăng mơnhên tro mâu tơdroăng ‘na kring tơniăn tơnêi têa, rơtế ƀă ki pơxúa dêi tơnêi têa, pơxâu phâk kơtăng mâu tơdroăng  hnê mơhno, tăng  tơpui hmâng vâ, pro tơ’nhiê troăng hơlâ, luât dêi Đảng.