Kăn teăng mâ kong pơlê Dak Lak veăng tơpui ‘na rak tơdroăng mơhá liăn pêi cheăng hiăng hên hơnăm ƀă mâu thái cô
Thứ ba, 10:30, 29/04/2025 Tơplôu: Katarina Nga/VOV Tây Nguyên Tơplôu: Katarina Nga/VOV Tây Nguyên
VOV.Xơ Đăng - Kơxê hnah, lơ 28/4, Khu kăn teăng mâ Kuô̆k hô̆i kong pơlê Dak Lak tơkŭm po Hneăng hôp tơmâng xo rơkong tơpui mâu khu, kơvâ cheăng ƀă kong pơlê tung kong pơlê ƀă 7 tơdroăng tơkêa bro luât tơbleăng Kuô̆k hô̆i a Hneăng hôp má 9, Kuô̆k hô̆i hneăng má XV.

Péa luât châ tơdah tơdroăng tơmâng veăng tơpui hên má môi dêi mâu kăn teăng mâ cho Luât po khu râ kăn pơkuâ kong pơlê (‘mâi rơnêu) ƀă mơ-éa chêh hdrối Luât Mâu ngế ki hnê hriâm. Veăng tơpui mơ-éa chêh hdrối Luât mâu ngế ki hnê, jâ Lê Thị Kim Oanh, Kăn phŏ pơkuâ Khu pơkuâ Hnê hriâm ƀă hnê mơjiâng Dak Lak tối;

Mâu troăng hơlâ kơjo nếo, ki rơhêng vâ tối ƀă cô mâm non, môi tiah ăm phêp pơtê rĕng ki vâ hên 5 hơnăm tâng pơchông ƀă hơnăm pơtê tơdjuôm, tŏng gum tơdrêng, rak ngăn ivá, hnê mơjiâng, hnê tơ’nôm tơdroăng ki tơná hriâm cho tơtro ƀă tơdroăng pơkâ nôkố, mơjiâng ivá ăm khu thái cô ƀă tơdroăng cheăng. Xua rak tơdroăng mơhá liăn pêi cheăng hiăng hên hơnăm cho troăng vâ pơlê pơla mơnhên ƀă pâ mơnê mâu tơdroăng veăng kum kố dêi khu thái cô ƀă mơhnhôk mâu thái cô rak ton xŏn ƀă tơdroăng hnê, ing mê tơniăn ki dâi lĕm hnê hriâm tơniăn ƀă krá.

Tơplôu: Katarina Nga/VOV Tây Nguyên

Viết bình luận

TIN CÙNG CHUYÊN MỤC

Video

Bi mni kơ Awa Hô
Đơs git oh, git bi
06/05/2025
Jreng Jrong
30/03/2024
Tanh bĕ dra hiam
22/03/2024