Pôa Vương Đình Huệ, Kăn xiâm hnê ngăn Kuô̆k hô̆i mơnhên tối khât rôh tơpui tơno tơƀrê pơla kăn xiâm chêh tôm xo rơkong Kuô̆k hô̆i ƀă Hô̆i đong tơnêi têa Cuba ƀă kăn xiâm chêh tôm xo rơkong, Kăn hnê ngăn Ƀơrô cheăng Kuô̆k hô̆i Việt Nam ‘na túa pơkâ mơdêk tơrŭm pơla péa Ƀơrô cheăng Kuô̆k hô̆i.

A rôh tơdah, pôa Vương Đình Huệ, Kăn xiâm hnê ngăn Kuô̆k hô̆i prếi Kăn xiâm chêh tôm xo rơkong Kuô̆k hô̆i ƀă Hô̆i đong tơnêi têa Cuba, pôa Homero Acosta Álvarez rơtế ai tối tiah kố, hơnăm 2023 cho hơnăm tơbâ 50 hơnăm rôh lăm pôu dêi pôa Fidel Castro, kăn xiâm pơkuâ Cuba hneăng hdrối pôu kơpong tơleăng lĕm peăng droh Việt Nam ối tung kong pơlê Quảng Trị, péa pâ kal ai mâu tơdroăng pêi pro pơxúa vâ tơbâ tơdroăng ki kal kố. Pakĭng mê, kal hnê tối ăm rơxông hơnăm ối nếo péa tơnêi têa hlê ƀă ‘nâi ‘na tơdroăng ton nah, khôi hmâ tơrŭm cheăng pơla péa tơnêi.