Roh tâ phĭu apoăng Kuô̆k hô̆i tơnêi têa Việt Nam Yân chuh Kŏng hòa, hâi lơ 6/01/1946 (nôkố cho tơnêi têa Kŏng hoa xah hô̆i chuh ngiah Việt Nam) cho môi tơdroăng ki kal kân, po apoăng ăm tơdroăng mơjiâng rơxông yâh chuh nếo a tơnêi têa pin. Châ tơƀrê dêi Roh tâ phĭu cho tơdroăng châ tơƀrê dêi tơdroăng rŭm môi tuăn, tơplâ khên tơnôu, pleăng dêi châ chăn mơheăm chá dêi tâi tâng Kuăn pơlê Việt Nam ƀă veăng kum kân dêi hlá tơbeăng kăch măng tung tơdroăng pơtâng tối, tung mê, hlá tơbeăng ki lo rêm hâi Kuô̆k hô̆i.

Tung pơla mê, Hlá tơbeăng Kuô̆k hô̆i châ mơhno mâ hâi lơ 17/12/1945. Hlá tơbeăng ki lo rêm hâi Kuô̆k hô̆i cho hlá tơbeăng ki má môi, ƀă tơdroăng ki xiâm cho tơbleăng rơdâ ‘na pơkâ xiâm, ki kơnâ dêi roh tâ phĭu apoăng, rah xo Kuô̆k hô̆i hneăng má I. Mơhé bu lo 15 kơxô̆ ƀă pêi cheăng tung 21 hâi, laga hlá tơbeăng ki lo rêm hâi Kuô̆k hô̆i hiăng kum kal khât tung tơdroăng pơtâng tối ăm roh Tâ phĭu rah xo kăn.