Kơxo lơ 8/11, a tíu pêi cheăng Kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa trâm mâ Khu râ kăn teăng mâ Khu ngế mơdró hơnăm ối nếo kơhnâ rơkê Việt Nam klăng roh veăng Leh diâp pri Hơlŏng khêi – Ngế tê mơdró hơnăm ối nếo Việt Nam ki kơhnâ rơkê hơnăm 2022. Xông tơpui a roh trâm mâ, pôa Nguyễn Xuân Phúc tối nhên, mơhé a ngiâ ai hên tơdroăng pá puât laga mâu ngế mơdró Việt Nam tung mê mâu ngế tê mơdró hơnăm ối nếo ôh tá chiâng hía lôi tơdroăng loi tơngah ƀă thế hbrâ tơdah hnoăng cheăng pro eăng bâ hdroâng mơngế tung kơchơ mơdró lâp plâi tơnêi.

Kăn xiâm hnê ngăn tơnêi têa tối nhên, mâu ngế tơrŭm dêi Khu ngế tê mơdró hơnăm ối nếo Việt Nam dế tăng cheăng pêi ăm lối 3 rơtuh ngế pêi cheăng, pêi lo rêm hơnăm châ dâng lối 30 rơtal dollars, xua mê, mâu ngế tê mơdró hơnăm ối nếo ôh tá xê dế pôu râng a kơxah ki pá puât tê mơdró, pôu râng hnoăng ƀă pơlê pơla, ƀă tơnêi têa mê ối ai hnoăng a ngiâ tơdroăng mơnhông mơdêk tơnêi têa.