A roh leh, Kăn xiâm hnê ngăn tơnêi têa Võ Văn Thưởng kheăn kơdeăn Mât trâ̆n Tơnêi têa Việt Nam, Tổng Liên đoân pêi cheăng Việt Nam ƀă Khu lo tŏng veăng Việt Nam mâu hơnăm hiăng hluâ hiăng tơrŭm ƀă mâu kong pơlê, ai hên troăng tơmiât pêi rơkê troh mâu kơpong hơngế hơngo tung lâp tơnêi têa vâ tơkŭm po mâu tơdroăng rak ngăn, tŏng kum kuăn pơlê.

A tơdroăng pêi ‘’Têt tuăn pâ’’ châ tơkŭm po a cheăm Thanh Thủy, tơring Thanh Chương, ai hên kơbong chôu ‘măn tê tơmeăm Têt ƀă mâu tơmeăm ki kal xúa rêm hâi vâ tê ăm tê kơtê ăm kuăn pơlê. Lối 20 rơtal liăn, 6.000 to hơpiâp on kơdĭng on tơhrik, môi hơpiâp on tíu kâ ối tung hngêi trung mâm non, môi tuăn hngêi khu lo tŏng veăng ƀă hên kơxuô tơmeăm hiăng châ diâp ăm mâu kong pơlê, rơpŏng ai hnoăng tơnêi têa, rơpŏng kơtiê, kŏng nhân pá puât.

Diâp mâu kơxuô tơmeăm ƀă pơtroh rơkong rơkâu phiu ro hơnăm nếo troh kuăn pơlê, Kăn xiâm hnê ngăn tơnêi têa pói vâ kuăn pơlê kô pơtối tơbêng khôi túa lĕm tro ki má môi dêi hdroâng mơngế cho rŭm môi tuăn, pâ dêi pó, tối ăm dêi pó ƀă tŏng kum dêi pó, rơtế dêi pó mơjiâng tơdroăng rêh ối rế hía rế hôm tâ, ki rơhêng vâ tối Nghệ An rĕng chiâng môi kong pơlê ki hôm păng ‘nâng drêng ôh tá ai rơpŏng kơtiê ƀă vâ chê kơtiê.