A rôh trâm mâ, pôa Đỗ Tiến Sỹ, Kăn pơkuâ Rơ’jíu Việt Nam rơkâu mâu ngế pơkuâ Kơ koan teăng mâ Việt Nam a kong têa ê châ pôk ăm cheăng tung mâu tíu pêi cheăng ki kal, tơdrêng amê hlối tối nhên: mâu kăn teăng mâ, kăn pơkuâ tíu cheăng teăng mâ cho mâu ngế ai ivá kal dêi Đảng, tơnêi têa ƀă kuăn pơlê tung hnoăng cheăng tơpui kâ, cho kông tơdjêp ƀă mơngế Việt Nam a kong têa ê.

Rơ’jiu Việt Nam cho kơ koan tơpui kâ ki má môi a Việt Nam ai rơ’jíu ăm mơngế kong têa ê, pêi pro mâu hnoăng cheăng kal kí, pơlê pơla ƀă 13 nâl tơpui. Rơ’jíu Việt Nam dế pêi pro tơdroăng tơpui kâ hên túa, hên ƀâng “Việt Nam - Chal mơeăm dêi tơná”, vâ tối nhên tơdroăng pơkuâ ngăn dêi Đảng hiăng gum tơnêi têa mơ-eăm dêi tơná rơdêi, tơmiât troh chal ki nếo, tối rơdêi tơdroăng châ vâi loi ƀă tíu cheăng a kong têa ê.

Pôa Đỗ Tiến Sỹ, kăn xiâm pơkuâ Rơ’jíu Việt Nam púi vâ Khu ngế ki cheăng tung kơ koan teăng mâ Việt Nam ai mâu tơdroăng pơhlêh ti lâi ăm tơtro, tơbleăng tơdroăng tung chal nếo, tơbleăng mâu tơdroăng ki hâk vâ dêi kong têa ê ai pơxúa ăm Việt Nam mot tơrŭm ƀă mâu kong têa tung lâp plâi tơnêi.