A rôh trâm mâ, Khu kăn kố pơchuât tơbleăng: Hneăng hôp má 10, Kuô̆k hô̆i hneăng XV tiô tối hdrối kô po sap ing hâi lơ 20/10 troh hâi lơ 12/12 Kuô̆k hô̆i kô séa ngăn, pơkâ 43 tơdroăng tơkêa luât, tơdroăng pơkâ; 12 khu tơdroăng kal ‘na cheăng kâ rêh ối pơlê pơla ƀă mâu tơdroăng kal ki ê.

Kuăn pơlê kong pơlê Lâm Đồng tối loi khât tung tơdroăng pơkuâ dêi Đảng, séa ngăn dêi Kuô̆k hô̆i, tơdroăng pơkuâ pêi pro kơtăng dêi Chin phuh tung mơnhông cheăng kâ rêh ối pơlê pơla, rak vế tơniăn gâk kring cheăng lêng dêi tơnêi têa. Kuăn pơlê pâ thế kal rĕng pêi pro hnê mơhno dêi Khu xiâm pơkuâ tơdroăng kal kí séa ngăn pêi pro tơdroăng hnê hriâm phôh thong, rak tơniăn tối tơbleăng mâu mơ-éa hriâm môi tuăn tung lâp tơnêi têa.

Kuăn pơlê a mâu cheăm kơpong hngế dêi kong pơlê pâ thế châ tơmâng tŏng gum ‘no liăn pêi cheăng pro troăng prôk vâ tơ’lêi rêh ối pêi cheăng ƀă thăm mơnhông tơrŭm tê mơdró. Tung pêi pro túa pơkâ kăn pơkuâ péa râ, ối ai mâu tơdroăng tơvâ tơvân, kal ‘mâi rơnêu teăm tơdrêng vâ kơ koan cheăng tơnêi têa pêi cheăng tơ’lêi, tơniăn.