Klêi hôp môi tuăn, tơdroăng hnê hriâm tung tâi tâng kong pơlê ai lối 1.370 to tíu hnê hriâm, hnê ăm lối 700 rơpâu ngế hok tro, ngế ki hriâm ƀă lối 38.400 ngế kăn ƀô̆, thái cô.

Hơnăm hriâm hdrối nah, kong pơlê châ hên tơdroăng ki tơƀre: 99,9% ngế hdrêng 6 hơnăm mot lâm 1; 99,7% hok tro hiăng hriâm klêi râ má môi; plah râ má pái THPT châ 98,46%.

Mot tung hơnăm hriâm nếo, kơvâ hriâm tơkŭm tung 10 tơdroăng ki kal: mơdêk ki rơkê ăm thái cô; pơhlêh nếo tơdroăng hnê hriâm, mơéa hriâm; thăm mơnhông hnê hriâm kal kí, hiâm mơno, túa rêh ối, tơdroăng tơpui ‘na pơhlêh kơxô̆; mơdêk rơdêi pơhlêh kơxô̆; ‘mâi mơnhông hnê hriâm, hnê ăm mâu ngế ki ôh tá ‘nâi chư; thăm mơnhông pro roê mâu kế tơmeăm xúa tung hnê hriâm ăm kơpong xơpá; pơhlêh nếo kiêm tra, mơnhên tối; mơhnhôk ing pơlê pơla veăng tơlo liăn pro hngêi trung; rak tơniăn hngêi trung hriâm ƀă tơdjâk tơdroăng tơ’noăng, mơjiâng tơdroăng hnê hriâm rơkê plĕng, kơtăng.