Pơla hdrối kố nah, mâu tíu pêi cheăng ngăn on tơhrik a kong pơlê Dak Lak hiăng kơhnâ pơtâp hbrâ vâ tơpâ mơdât on chếo kế pơtôu.  A râ kong pơlê, Khu ngăn on tơhrik Dak Lak hiăng veăng ƀă mâu khu kŏng an kong pơlê, Vi ƀan pơlê kong kơdrâm Ƀuôn Ma Thuột ƀă mâu tíu pêi cheăng, hriâm tâp tơpâ mơdât on chếo ƀă tŏng xo mâu ngế xía vâ, tŏng kum mâu ki xơpá hliăng tiâ a Tíu xiâm dêi kơchơ Co-op Mart Buôn Ma Thuột.

Mâu rôh pơtâp mê hiăng kum mơdêk ki hlê plĕng tung tơdroăng pơkuâ ngăn, tơdroăng tơrŭm pơla Kăn sát tơpâ mơdât on chếo ƀă mâu lêng tung tơdroăng tơpâ mơdât mâu roh on chếo kân, ki rơ-iô a mâu tíu tung kong pơlê Dak Lak. A mâu tơring, mâu tíu ngăn on tơhrik Dak Lak xuân hiăng tơkŭm po lâm hnê pơtâp cheăng, hriâm tơpâ mơdât on chếo, túa pêi vâ rak ngăn ki rơkê ôh tá tơkéa lâi tung tơdroăng vâ hluăn ƀă tŏng xo mơngế ki trâm xía vâ drêng ai on chếo kế pơtôu.