A rôh hôp, teăng mâ mâu kơ koan pơkuâ ngăn tơnêi têa, khu ki rơkê plĕng ‘na cheăng kâ, khu mơdró kâ ƀă mâu khu pêi cheăng tơrŭm hiăng mơ’no tối hên troăng hơlâ vâ mơdêk mơnhông túa pêt tơmeăm ngiâ, pơxúa liăn ngân, kơdroh mơ’no tah trếo ing hngêi nhĕng, xuân môi tiah mơdêk ivá tơxup tơbriâp ăm kơpong cheăng kâ tơrŭm.

Pôa Nguyễn Chí Dũng, Phŏ Ngế pro xiâm hnê ngăn Chin phuh tối nhên, tơdroăng ki pơhlêh ngiât hiăng chiâng tơdroăng pơkâ thế pơklât ƀă mâu kơvâ cheăng. Chin phuh tơhrâ kô rơtế prôk, pro tơ’lêi hlâu chiâng ivá rơdêi ing mâu troăng pơkâ, troăng tŏng gum vâ kơpong cheăng kâ tơrŭm mơeăm, mơnhông tiô mâu troăng tơmiât rơkê plĕng ƀă tơƀrê.

Phŏ Ngế pro xiâm hnê ngăn tơnêi têa pơkâ thế tung la ngiâ ah, mâu khu xiâm kơvâ cheăng ƀă khu kăn pơkuâ kong pơlê tơbleăng pêi tơƀrê mâu troăng hơlâ tŏng gum, tung mê ai Pơkâ 57 vâ mơnhông tơƀrê ‘na pơhlêh kơxô̆, ứng dụng khoa hok kong ngê̆ tung pêi cheăng dêi mâu khu pêi cheăng tơrŭm.