Tung pơla lăm pôu, pôa Tập Cận Bình hiăng ai mâu rôh hôp, tơpui ƀă mâu kăn xiâm má môi dêi Đảng, Kuô̆k hô̆i, Chin phuh Việt Nam. Péa pâ vâ môi tuăn mơnhông tơdroăng cheăng pơxúa tơrŭm pơla Việt Nam - Sinuâ. Péa pâ môi tuăn rak vế hnoăng pêi ki tro “Tơhrâ tơrŭm tê mơdró tung kơpong” (RCEP) ƀă Kĭ tơhrâ tê mơdró tơniăn ASEAN - Sinuâ (ACFTA) mơdêk tê mơdró péa pâ mơnhông tiô troăng hơlâ tơdâng tơ’mô.

Mơdêk tơrŭm cheăng, tơrŭm tung mâu luât pơkâ hên troăng, môi tiah Khu tơrŭm lâp plâi tơnêi, hneăng hôp Tơrŭm cheăng kâ Châu Á - Thái Bình Dương (APEC), Hneăng hôp tơrŭm châu Á - châu ÂU (ASEM), Khu mâu kong têa Đông Nam Á (ASEAN) môi tuăn dêi rơpó tung tơdroăng chêh inâi pêi hnoăng cheăng dêi mâu khu tơrŭm Đông Nam Á (ASEAN) môi tuăn dêi rơpó tung tơbriât chêh inâi pêi cheăng ƀă khu tơrŭm lâp plâi tơnêi. Péa pâ vâ môi tuăn séa ngăn hlối tơleăng tơdroăng ki ôh tá môi tuăn, ‘na râk kring tơniăn tơrŭm pơla Việt Nam - Sinuâ.

Tung hnê tối, tung rôh lăm pôu, péa pâ hiăng kĭ hlá mơ-éa tơrŭm cheăng tung mâu kơvâ troăng prôk chêh, troăng rơxế kơ treng, séa ngăn nhên a tíu tê mơdró kăn kong, pơ’lêh um méa tê mơdró tơmeăm pê lo ing chiâk drêng, cheăng lêng, khoa hok kơmăi komok, túa lĕm tro, tơ’noăng ivá, hnê hriâm, môi tuăn dêi rơpó, tung rêh kâ ối..

Pôa Tô Lâm, Kăn xiâm pơkuâ hnê cheăng Đảng, pôa Tập Cận Bình Kăn xiâm hnê ngăn kong têa Sinuâ tối nhoăm tơrŭm cheăng, hmâ hlối tơrŭm pơla peá pâ tung pêi pro tơrŭm tơroâ, nhoăm pâ, krếo thế pôa Tô Lâm, Kăn xiâm pơkuâ hnê cheăng Đảng ƀă pôa Lương Cường, Kăn xiâm hnê ngăn tơnêi têa lăm pôu Sinuâ.