Xông tơpui a hneăng hôp, pôa Phạm Minh Chính, Ngế pro xiâm hnê ngăn tơnêi têa tối nhên: Tung pơla tơdroăng cheăng kâ Việt Nam tuăn ngôa, tơdroăng ki po hên, dế pơhlêh ƀă chiu tơdjâk rơdêi ing mâu tơdroăng pa kong, tơdroăng mơnhên tơdroăng thế tơtro vâ pơkâ mơ’no troăng pêi ki tơtro.

Tiô Ngế pro xiâm hnê ngăn tơnêi têa, thăm pá puât mê thăm kal hiâm mơno mơ-eăm xêh, rơdêi, pơhlêh tơmiât pêi rơkê ƀă khên tơnôu mơ-eăm. Ngế pro xiâm hnê ngăn tơnêi têa pơkâ mâu khu xiâm, grup pơkuâ, kŏng ti xiâm tơnêi têa kal veăng ó rơdêi tung tơdroăng pơhlêh xúa kŏng ngê̆, mơnhông mơjiâng hngêi kŏng ngê̆ ƀă mơjiâng tơmeăm kŏng ngê̆ krê.

Tơdrêng amê, thế tơniăn ‘noăng chư chêh, gâk kring tơniăn măng tơnêi têa. ‘Na mơngế pêi cheăng, kal mơjiâng khu pêi cheăng ‘’viên chưk xúa kŏng ngê̆’’, troh lâp lu tơdroăng ‘’Hnê kuăn pơlê hriâm xúa kŏng ngê̆’’ vâ mơdêk mơjiâng ‘’kuăn pơlê xúa kŏng ngê̆’’.