Ing mê, tâi tâng tơnêi kong tung lâp kong pơlê Gia Lai châ lối 650.600 ha. Tung mê kong ki chiâng xêh vâ chê 480.000 ha; kong pêt vâ chê 160.000 ha; ki u ối cho tơnêi pêt loăng hâi chiâng kong. Kơxô̆ loăng ki vâ chiâng kong tung kong pơlê châ 41,09%, kơxô̆ ki chiâng kong tơdjuôm châ 47,59%. Vi ƀan kong pơlê Gia Lai tối nhên ki kal dêi tơdroăng tối tơbleăng ‘na kong vâ tơdroăng séa ngăn, tăng ngăn ƀă tối mâu tơnêi kong tiô pơkâ.

Pakĭng mê, pơkâ thế mâu kơ koan khu râ tơbleăng kơxô̆ kong nôkố, tối tơdrăng vâ mâu khu tơrŭm, mâu ngế ‘nâi nhên ƀă pêi tro hnoăng cheăng ki tơdjâk troh. Kố cho xiâm ki kal vâ rak ngăn kong, tơniăn mâu pơkâ  mơnhông cheăng kâ - rêh ối rơtế ƀă kring vế hyôh kong prâi.