Mô đô̆i gâk tơkăng kong Gia Lai (hdrối nah tối cho Khu lêng gâk kring’’ châ mơjiâng sap ing mâu kong pơlê peăng Kơnhŏng. Tung roh tơplâ xâ, khu lêng hiăng veăng hrĭng roh plâ ƀâ, kơdê ƀă rup hrĭng lêng kong têa ê, veăng gum tơleăng lĕm peăng Hdroh tơnêi têa, môi tuăn tơnêi têa. Klêi kơ’nâi hơnăm 1975, Mô đô̆i gâk kring tíu tơkăng kong Gia Lai pơtối pêi hnoăng cheăng gâk kring tơkăng kong, ki rơhêng vâ tối tung roh plâ ƀâ Khmer Đỏ.

Nôkố tíu pơkuâ lối 80 km troăng tơkăng kong kong pơlê Rattanakiri (Kul) đi đo pêi kêi đeăng lĕm tro hnoăng cheăng rế gâk kring tơkăng kong rế gum kuăn pơlê mơnhông cheăng kâ – rêh ối pơlê pơla ƀă tơdroăng môi tiah ‘’Gum o troh hngêi trung’’, ‘’Hngêi hơtô ăm kuăn pơlê tíu tơkăng kong’’, ‘’Ro hdrê ăm mơngế kơtiê’’. Ƀă hên tơdroăng ki châ tơƀrê, Khu xiâm pơkuâ Mô đô̆i gâk tơkăng kong kong pơlê Gia Lai hâk tơngăm châ Kăn xiâm hnê ngăn tơnêi têa diâp mê dái Gâk kring Tơnêi têa ối má péa; Kăn hnê ngăn Vi ƀan kong pơlê Gia Lai xuân diâp ƀâng kheăn kơdeăn ăm 6 khu pú hên ƀă 9 ngế krê ki kơhnâ rơkê.