Khu xiâm ngăn hnê hriâm ƀă hnê mơjiâng tuăn ngôa rơkê kong pơlê Kon Tum nếo tơkŭm po Tơdroăng Rôh leh mơđah tŏn chêng - Kơhnhon xuăng dêi hok tro mâu hngêi trung râ má pái hnê kuăn ngo ai tíu kâ koi kơhâi dế a kong pơlê. A Rôh leh mơđah tơbleăng ai 18 tíu ƀă vâ chê 900 ngế vâi o hok tro veăng leh.

A Rôh leh mơđah mê mâu vâi o hok tro hiăng mơđah hên ƀai tŏn chêng, túa kơhnhon xuăng tiô chal krâ nah dêi mơngế Rơteăng, Bơhnéa, Jêh - Triêng , Jarai  ƀă hên ki ê.  Hlối tơbâ nếo mâu túa pro mơdĭng dêi kuăn pơlê, môi tiah mơdĭng kâ báu nếo, mơdĭng kleăng kơneăng têa. Rôh po mơdĭng tŏn chêng - Kơhnhon xuăng mê vâ hnê pơtối rak vế ki kơniá ‘na túa lĕm tro tŏn chêng - kơhnhon xuăng dêi mâu hdroâng kuăn ngo.

Hlối tơbâ tơdroăng hâk tơngăm hdroâng kuăn ngo, tơdroăng pâ nhoăm dêi pơlê pơla, tơnêi têa ăm mâu vâi o hok tro ƀă mơdêk tơdroăng mơhnhôk xah hêi ro, ăm mâu hngêi trung hriâm a kơpong hdroâng kuăn ngo tung kong pơlê Kon Tum.