Hâi lơ 21/8, a tíu pêi cheăng xiâm Đảng, pôa Tô Lâm, Kăn xiâm pơkuâ hnê ngăn Đảng pêi cheăng ƀă Khu kăn pơkuâ hnê ngăn Đảng Pơlê kong kân Hà Nội ƀă Khu kăn pơkuâ hnê ngăn Đảng pơlê kong kân Hồ Chí Minh vâ ăm veăng tối a tơdroăng chêh tung hlá mơ-éa, vâ tơdroăng chêh ‘na mơngế pêi cheăng pơtroh ăm Đảng ƀô̆ péa pơlê kong kân.

Tối mơgêi rôh pêi cheăng, pôa Tô Lâm tối nhên, péa Đảng ƀô̆ kal hlê khât tơdroăng ki tơviah dêi Pơlê Kong xiâm ƀă Pơlê kong kân Hồ Chí Minh, hlối mơhno nhên hnoăng cheăng pêi dêi lâp tơnêi têa. Pôa Tô Lâm - Kăn xiâm pơkuâ hnê ngăn Đảng pơkâ thế Khu kăn pơkuâ hnê ngăn Đảng Pơlê kong kân Hà Nôị ƀă Pơlê kong kân Hồ Chí Minh pơtối tơmâng xo tơdroăng hnê khĕn dêi mâu kăn cheăng tung khu xiâm kal kí; tơdroăng veăng hnê tối dêi mâu khu xiâm, kơvâ cheăng vâ pê klêi tơdroăng kal chêh tung hlá mơ-éa, tơkŭm po klêi hneăng hôp Đảng ƀô̆ hneăng 2025-2030.

Pakĭng mê, mơjiâng tơdroăng pêi nhên, ai troăng ki lĭng chiâng pêi, vâ tơniăn pê klêi mâu tơdroăng pơcháu, pơkâ dêi hneăng hôp kân tơbleăng, veăng mơnhông tơdjuôm dêi tơnêi têa.