Hneăng hôp hiăng hmâng tối tơbleăng, pâ thế dêi mâu kong pơlê  tung tơdroăng pêi cheăng dêi mâu kăn péa râ. Ing mê, hên ngế pâ thế Khu xiâm ngăn kuăn ngo ƀă ’na loi tĭng rĕng tăng ‘nâi mâu tơdroăng ăm Chin phuh ‘mâi hơ’lêh, tơ’nôm mâu luât pơkâ tŏng gum dế pêi pro ăm tơtro ƀă mâu kăn kong pơlê péa râ, mê cho: Luât tŏng gum mâu ngế ki kuăn pơlê pâ nhoăm tung hdroâng kuăn ngo.

Klêi mê, ‘na Luât pơkâ ‘no liăn pêi cheăng mơjiâng tơmeăm khoăng, rêh ối ăm kơpong kuăn ngo ƀă kong ngo; tơbleăng teăm tơdrêng mâu hlá mơ-éa hnê mơhno nhên, tơdrêng, môi tiah vâ  tah ki xơpá tơvâ tơvân ki nếo ai tung tơbleăng mâu hlá mơ-éa vâ chiâng luât ki tơdjâk troh tơdroăng mâu hdroâng kuăn ngo ƀă ‘na loi tĭng tiô khôp.