Kơxê lơ 20/8, a Tíu pêi cheăng xiâm Đảng, Tôh pêi cheăng kơxô̆ 2 ƀă kơxô̆ 3 dêi Khu xiâm pơkuâ tơdroăng kal kí xua pôa Phạm Minh Chính, Ngế pro xiâm hnê ngăn tơnêi têa prế pôa Trần Thanh Mẫn, Kăn xiâm hnê ngăn Kuô̆k hô̆i pơkuâ hiăng pêi cheăng ƀă Khu pơkuâ ngăn Đảng Sơn La, Thanh Hóa, Bắc Ninh, Lạng Sơn. Rôh hôp tơkŭm ăm rơkong veăng tơpui tối ‘na kơxop mơ-éa ƀă túa pơkâ mâu ngế pêi cheăng pơtroh ăm Hneăng hôp Đảng ƀô̆ hơnăm 2025 – 2030.

Mâu tôh pêi cheăng hiăng tơmâng tối tơbleăng ‘na pơchuât tơbleăng tơdroăng kal kí, Pơchuât tơdroăng pêi pro ôh tá tro tung pơkuâ, tơdroăng tơkêa mâu ngế pêi cheăng ƀă kơxop mơ-éa Pơkâ Hneăng hôp. Kăn pơkuâ Khu xiâm kal kí, Khu pơkuâ hnê ngăn Đảng hiăng môi tuăn, tơdrêng amê hlối ‘mot tơ’nôm troăng tơmiât pêi tung la ngiâ, pêi pro nhên ki ai hlâu, ki rơdêi ƀă pơkâ thế mơnhông dêi rêm to kong pơlê.

Mâu kong pơlê châ pơkâ thế tơmâng khât mâu rơkong veăng tơpui dêi Khu xiâm pơkuâ tơdroăng kal kí, Khu pơkuâ ngăn Đảng ƀă mâu khu râ, kơvâ cheăng dêi Tơnêi têa vâ chêh pro klêi hlá mơ-éa, hbrâ rơnáu tro má môi ăm Hneăng hôp Đảng ƀô̆ hiăng la troh la ngiâ.