A rôh hôp, mâu kăn châ tối ‘na tơdroăng cheăng dêi mâu khu mơdró kâ, khu tơrŭm tung hơnăm 2024; tơmâng rơkong hnê tối, tơbleăng Pơkâ kơxô̆ 72 dêi Chin phuh pơkâ troăng kơdroh nâp liăn hnoăng mơhá tâk tiô Pơkâ kơxô̆ 142 dêi Kuô̆k hô̆i; Pơkâ kơxô̆ 103 dêi Chin phuh pơkâ ‘na tơdroăng xúa tơnêi, liăn mung tơnêi; tơbleăng mâu tơdroăng ki nâp liăn hnoăng mơhá điê̆n tưh xua kơ koan xo liăn nâp hnoăng mơhá tơbleăng; tối mâu tơdroăng ki ôh tá tro hmâ trâm dêi khu mơdró kâ ing hnoăng cheăng séa ngăn ƀă hên ki ê.

Teăng mâ mâu khu mơdró kâ, ngế nâp liăn hnoăng mơhá pơkâ thế Khu xo liăn nâp hnoăng mơhá kong pơlê Dak Lak hnê mơhno nhên tơdroăng pêi pro, rôh ki pơxiâm mơ’no hlá đơn ăm kế tơmeăm khoăng tê ngi kong têa ê; hnê mơhno nhên ‘na pơkâ, tơdroăng vâ khu mơdró kâ châ pơxúa kơjo ing nâp liăn hnoăng mơhá khu mơdró kâ; kal rĕng séa ngăn ƀă tơbleăng ‘na kơxô̆ liăn chĕn nâp hnoăng mơhá vâ khu mơdró kâ teăm ‘mot tơ’nôm.