Hneăng cheăng pơla hdrối nah, Đảng ƀô̆ Kŏng an kong pơlê Dak Lak hiăng ôh tá la lâi pơtê pơhlêh nếo túa pơkuâ, hnê mơhno, pêi pro châ tơƀrê ƀă pêi tơƀrê luâ mâu pơkâ mơ’no, hnoăng cheăng pơkâ. Ing mê, pêi pro tro tơdroăng gak kring tơniăn tung lâp pơlê pơla tung lâp kong pơlê.

Kŏng an kong pơlê Dak Lak hiăng pêi pro tơƀrê tơdroăng Pơkâ 06 mơjiâng pro tíu ki chêh ‘măn mâu tơdroăng kal Tơnêi têa ‘na tíu kuăn pơlê rêh ối, hbru ăm căn cước công dân krâ chip châ tơƀrê khât; prôk hdrối tung tơbleăng Tơdroăng têa tah hngêi pơtân xi kơchoh; tâi tâng khu tơrŭm cheăng Đảng cho krúa lĕm, krá rơdêi.

Thiê̆u tươ̆ng Phan Thanh Tám, Kăn pơkuâ Đảng ủi, Kăn pơkuâ Kŏng an kong pơlê Dak Lak ăm ‘nâi, klêi kơ’nâi hneăng hôp, tâi tâng kŏng an kô tơkŭm pêi mâu cheăng ki kal vâ pêi tơƀrê Pơkâ Hneăng hôp hiăng mơ’no. Pơtối rak vế krá rơdêi gâk kring, tơniăn tung mâu tơdroăng, mơjiâng khu Kŏng an Dak Lak krúa lĕm, rơdêi tŭm têk, rơkê ƀĕng, achê ƀă kuăn pơlê ƀă nhuô̆m kuăn pơlê.