Kơvâ ngăn hnê hriâm kong pơlê Dak Nông hơnăm kố kal ai 1 rơpâu 545 ngế cheăng, ‘na kơvâ ngăn pơkeăng kong pơlê kal ai 664 ngế. Kơxô̆ mơngế dế kal vâ mê hiăng ai ing hên hơnăm mê hía nah nôkố rế tâk hên. Mơhé kong pơlê hiăng xúa pơkâ 111 hơnăm 2022 dêi Chin phuh vâ kĭ tơkêa 643 ngế hnê la ôh tá kâi ai tiô tơdroăng kal vâ ‘na hnê hriâm ƀă ‘na ngăn pơkeăng, malối cho a kơpong hngế hngo, kơpong hdroâng kuăn ngo.

Pôa Lê Văn Chiến, kăn phŏ hnê ngăn Vi ƀan kong pơlê Dak Nông ăm ‘nâi, ai hên tơdroăng ki pá tung pơcháu mơngế cheăng ton hơnăm kơvâ hnê hriâm ƀă mâu kong pơlê kong ngo, kơxô̆ kuăn pơlê tâk ƀă kuăn pơlê rêh ối preăng prêh. Kơxô̆ mơngế cheăng châ pơcháu iâ tâ kơxô̆ ki ăm kơdroh mơngế cheăng ton hơnăm a tơrêm hơnăm, chiâng ai tơdroăng 2 kơvâ cheăng ki kal kố rế ôh tá ôh tá tŭm, ôh ta bâ kơxô̆ mơngế pêi cheăng ton hơnăm.