Kuân khu 5 hbrâ pêi pro tơdroăng pơlâ Quang Trung
Thứ sáu, 05:00, 12/12/2025
Tơplôu: Gương/VOV
Tơplôu: Gương/VOV
VOV.XơĐăng Pêi pro tơdroăng pơplâ Quang Trung ƀă tơdroăng pêi rĕng, tâ môi măng tĭng hdrối kố nah, mâu tíu pêi cheăng dêi Kuân khu 5 ƀă Khu xiâm pơkuâ ngăn lêng hiăng ƀă dế thâ tơbleăng pro, ‘mâi rơnêu hngêi ối kum kuăn pơlê kơpong têa lu tro tiô tơdroăng pơkâ.
Tung pơla pêi thế rĕng kêi, mâu tíu pêi cheăng mơhnhôk lối 230 khu rơkê hmâ pêi ƀă vâ chê 6.000 ngế kăn ƀô̆, mâu lêng veăng pêi kum rĕng pro klêi hngêi ối a mâu kong pơlê, pơlê kong kân sap Đà Nẵng troh Khánh Hòa.
Mơhé kong prâi ôh tá tơniăn, mâu tíu pêi cheăng đông lêng tơrŭm krá ƀă mâu kăn cheăm bêng tung kong pơlê ‘mâi rơnêu tơdroăng mơjiâng pro tiô kal vâ dêi tơrêm rơpŏng kuăn pơlê mê cho tơbêng pro a’nâi xŏn iâ, mơdêk mơnât, pro rơdâ kơbong. Hên tíu pêi cheăng xoăng pêi “ôh tá pơtê”, mâu đô̆i “lêng ki hmâ pêi” pêi plâ hâi ƀă mơdoh pêi a kơmăng vâ rĕng teăm pro klêi hngêi ăm kuăn pơlê mot ối hdrối Têt Lo hơnăm nếo.
Viết bình luận