Hneăng hôp tơkŭm po tơdrêng tiô troăng hyôh a tíu mơ’no um ki xiâm cho a bêng Tuy Hòa, tơdjêp ƀă mâu tíu mơ’no um dêi mâu cheăm, bêng: Đông Hoà, Sông Cầu, Tuy An Bắc, Phú Hoà 1, Tây Hoà, Sơn Hoà, Sông Hinh ƀă Đồng Xuân. A rôh hôp, mâu kăn  Kuô̆k hô̆i hiăng tối mâu tơdroăng hiăng klêi hôp má 9 kố nah.

Rôh hôp hiăng tơbleăng hên troăng hơlâ mơnhông cheăng kâ krê kuăn pơlê, pơ’lêh kơxô̆, khoa hok kŏng ngê̆, hnê hriâm, pơkeăng pơlât, rêh ối pơlê pơla, pêi ahdrối tŏng kum kơpong kuăn ngo, kong ngo, tíu tơkăng kong - tung mê ai hên tơdroăng kal tơdjâk troh Dak  Lak. Mâu kuăn pơlê hlo khât hnoăng cheăng pêi dêi Kuô̆k hô̆i, hlối tối púi vâ Dak Lak rĕng pơkâ troăng mơnhông klêi tơ’mot, pơtối rak túa lĕm tro  Tây Nguyên, tơrŭm ƀă mâu tơdroăng lĕm tro dêi kơpong kĭng têa kơxĭ tơdế Tơnêi êa, vâ mơjiâng kong pơlê rế kro mơdrŏng lĕm, tơdroăng rêh ối dêi kuăn pơlê rế lĕm tro tâ.