Pơtối Tơdroăng dêi rôh hôp má 4, Kuô̆k hô̆i hneăng 15, lơ 7/11, mâu kăn tơpui tơno a hngêi hôp kân ƀă 2 tơdroăng pơkâ ‘na: Mơnúa pêi pro mâu luât pơkâ, mâu pơkâ tŏng kum mơnhông mơdêk pơlê kong kơdrâm Ƀuôn Ma Thuột, kong pơlê Dak Lak’’ ƀă “Mơnúa ăm hnoăng pơkuâ rah xúa  kơxô̆ ô tô ing tơdroăng tơbleăng yă’’, tơmâng tơdroăng tối tơbleăng ƀă tơbleăng séa ngăn tơdroăng tơkêa Luât tơ’noăng mơjiâng pro tơmeăm khoăng (‘mâi hơ’lêh).

Tơpui tono ‘na tơdroăng pơkâ tung mơnúa mâu luât pơkâ, luât tŏng kum mơnhông pơlê kong kơdrâm Ƀuôn Ma Thuột, kong pơlê Dak Lak, mâu kăn Kuô̆k hô̆i xuân tối mê cho tơdroăng ki kal mơjiâng mơnhông pơlê kong kơdrâm Ƀuôn Ma Thuột chiâng tíu xiâm, tíu ki mơdêk dêi kơpong Tây Nguyên, xua mê, mâu luât pơkâ kal thế pêi rơdêi ƀă thế ngăn nhên hdrối vâ  mơjiâng.

Tung la ngiâ, Chin phuh mơjiâng luât pơkâ pêi ăm tâi tâng kơpong Tây Nguyên tiô pơkâ 23 dêi khu xiâm kal kí ‘na troăng rơhlâ mơdêk cheăng kâ-rêh ối ƀă pro tơniăn ‘na cheăng lêng, kring tơniăn kơpong Tây Nguyên troh hơnăm 2030, hvái ngăn troh hơnăm 2015, Chin phuh kô séa ngăn, tí tăng ngăn vâ mâu luât mê châ xúa pêi tung tơdroăng rêh ối, mơgêi tối vâ tơ’nôm ăm tơtro.