Mê cho Luât tơnêi (‘mâi hơ’lêh); Luât mâu khu ăm mung liăn (‘mâi hơ’lêh) ƀă 3 tơdroăng pơkâ ki kal, tung mê ai tơdroăng Pơkâ ‘na mâu tơdroăng luât pơkâ pêi, luât pơkâ pêi vâ tah ki xơpá tơvâ tơvân, mơdêk pêi pro mâu tơdroăng pơkâ dêi tơnêi têa ƀă Tơdroăng Pơkâ ‘na rôh hôp má 5, Kuô̆k hô̆i  hneăng 15.

Hâi hnah, Vi ƀan pơkuâ Kuô̆k hô̆i  hiăng tơmâng xo, ‘mâi rơnêu chêh tơdroăng Pơkâ ‘na mâu luât pơkâ tŏng kum ki krê xêh vâ tah ki xơpá tơvâ tơvâ mơdêk rĕng tung pêi pro mâu tơdroăng pơkâ dêi tơnêi têa. Ƀă luât pơkâ mơnúa xing xoăng râ ăm tơring Vi ƀan pơkuâ Kuô̆k hô̆i vâ môi tuăn rah xo tơdroăng pêi ki má 2 vâ chêh ‘mot tung pơkâ.

Laga, tơdroăng rah xo tơring vâ mơnúa mê tơdroăng pơcháu ăm Hô̆i đong hnê ngăn râ kong pơlê pơkâ, ngăn a hlá mơ-éa chêh a tơdroăng ki hlo ai khât dêi kong pơlê vâ rah xo ôh tá luâ 2 tơring rêm kong pơlê vâ mơnúa pêi.