Tiô tơdroăng tối ăm ‘nâi, tung hâi lơ 8/11 ƀă kơxo lơ 9/11, mâu kăn Kuô̆k hô̆i hôp tơpui tơno a hngêi hôp kân ‘na tối tơbleăng hneăng cheăng dêi mâu Kăn hngêi tơleăng xiâm, Ngế xiâm dêi Tíu xiâm séa ngăn arak luât kuăn pơlê; tơdroăng cheăng hbrâ mơdât mâu ngế ki pro xôi luât; tơdroăng cheăng  tơleăng mâu ngế ki xôi ƀă tơdroăng hbrâ mơdât kâ kơluâ hơnăm 2022.

Mâu tơdroăng tơleăng tơdjâk troh Kŏng ti veăng tơlo liăn Việt Á; Khu xiâm pơkuâ ngăn, khu xiâm ngăn tơpui kâ; Grup FLC ƀă hía hé ƀă hên tơdroăng xôi ki tơdjâk troh pro xôi ‘na kâ kơluâ tung pơla hdrối mê hía nah hiăng châ  tơleăng mơnhên kơtăng ƀă tơdrăng, hlối hlâu vâ hnê tối, ƀă hlối hnê vâ hlê plĕng.

Laga tơdroăng xôi ki tơdjâk troh kâ kơluâ ƀă tơdroăng cheăng pêi hâi hlo kơdroh mê ối ai tâk tâ nếo, troh lối 33%. Hdrối hôp tơpui tơno ‘na tơdroăng mê, mâu kăn Kuô̆k hô̆i pơkâ thế tối nhên trâu rơdâ tâ ƀă ai troăng rơhlâ nhên khât vâ mơdât, tah lôi mâu ki pro xôi kâ kơluâ ƀă xua pro kăn pơkuâ.