Lâm Đồng mơdêk rĕng tơdroăng mơjiâng pro 2 tơmeăm troăng klông ki xiâm
Thứ sáu, 05:00, 11/07/2025
Tơplôu: A Sa Ly/VOV Tây Nguyên
Tơplôu: A Sa Ly/VOV Tây Nguyên
VOV.Xơ Đăng - Nôkố kong pơlê Lâm Đồng ai 2 tơdroăng tơkêa bro troăng klông ki xiâm xua Khu xiâm mơjiâng mơjiâng tơmeăm khoăng pro khu pơkuâ mơ’no liăn, mê cho: Tơdroăng tơkêa bro rơnêu, pro ăm lĕm troăng kân tơkâ hluâ văng Mimosa rơtế mâu tơmeăm a Troăng kân tơnêi têa 20 ƀă Tơdroăng tơkêa rơnêu, bro lĕm tâ mê nếo Troăng kân tơnêi têa 28B.
Mâu tơdroăng tơkêa bro kố ai tâi tâng kơlo liăn mơ’no lối 1.870 rơtal liăn. Nôkố tŭm péa tơdroăng tơkêa bro pơrá hrá tơdroăng pơkâ xua tơvâ ‘na chêl thiê̆n, tăng tơnêi. Vâ mâu tơdroăng tơkêa bro kêi đeăng a mơ’nui hơnăm kố, Vi ƀan kong pơlê Lâm Đồng hiăng hnê mơhno mâu cheăm, tíu cheăng ki tơdjâk thăm tơrŭm tah lôi pá puât, mơdêk rĕng tơdroăng mơjiâng pro.
Mâu tơdroăng tơkêa bro rĕng kêi đeăng ai kơnâ kal khât kum mơdêk ivá tơdjêp troăng klông pơla mâu kơpong cheăng kâ dêi kong pơlê Lâm Đồng ƀă mơdêk tơdjêp dêi kơpong.
Viết bình luận