A rôh trâm mâ, mâu rơxông mâu kăn Kuô̆k hô̆i Lâm Đồng, Dak Nông ƀă Bình Thuận tối hên tơdroăng chôu vế, ƀă loi tiah kố tơdroăng tơkŭm pái to kong pơlê cho po rôh tơ’lêi hlâu mơnhông nếo; rơhêng vâ mâu kăn pơtối mơnhông tuăn mơno, hnoăng cheăng pôu râng, ivá veăng gum ăm Kuô̆k hô̆i. 

Tơpui a rôh po tơdroăng, pôa Y Thanh Hà Niê Kdăm, Kăn pơkuâ ngăn Đảng, Ngế xiâm pơkuâ Khu kăn Kuô̆k hô̆i kong pơlê Lâm Đồng, tối nhên tung 80 hơnăm Kuô̆k hô̆i Việt Nam, mâu rơxông mâu kăn Lâm Đồng đi đo tơrŭm ƀă kuăn pơlê, tối tơbleăng tơdrăng tuăn hiâm mơno tơmiât vâ, tơdroăng tơngah dêi kuăn pơlê, veăng gum hên tơdroăng veăng tơpui tối mơnhên tro tung mơjiâng luât, séa ngăn ƀă pơkâ mâu tơdroăng ki kal. Nôkố Khu kăn Kuô̆k hô̆i kong pơlê Lâm Đồng ai 19 ngế kăn, mê cho 8 ngế kăn Tơnêi têa ƀă 11 ngế kăn kong pơlê.