Lâp kong pơlê Lâm Đồng nôkố ai 1.581 hngêi trung ƀă vâ chê 841.000 hok tro, ai 25.799 lâm hriâm. Laga, mâu hngêi trung ối tơprâ tơprŭng, ƀă 770 hngêi trung ki pro ukố umê; lâp kong pơlê xuân dế ối kal lối 5.300 thái cô, mơngế veăng cheăng tâng pơchông ƀă kơlo pơkâ.

Ahdrối hơnăm hriâm nếo, mâu hngêi trung dêi kong pơlê Lâm Đồng dế thâ séa ngăn kơbong hriâm, on tơhrik, têa, internet, hngêi lăm tidế ƀă tơmeăm hnê hriâm; rơnêu mâu tơmeăm ki hiăng tơ’nhê, khŏm ôh tá ăm hok tro tung kơbong ôh tá tơniăn lĕm. Mâu tơmeăm hngêi trung hriâm châ pơkâ pêi pro rĕng, mơ-eăm kêi đeăng hdrối hâi lơ 15/8.