Nôkố mâu cheăm a kong pơlê Dak Lak dế tơkŭm mơjiâng mơ-éa chêh hdrối ki kal ƀă hbrâ tơdroăng vâ tơkŭm po Hneăng hôp Đảng ƀô̆ râ cheăm.

Pôa Phạm Tiến Hưng – Kăn pơkuâ hnê ngăn cheăng Đảng cheăm Hòa Phú tối ăm ‘nâi, mơ-éa ki kal kô kêi đeăng tâi tâng tung măng tĭng langiâ, ƀă ki xiâm cho mơnhông cheăng kâ – rêh ối pơlê pơla, mơjiâng Đảng, khôi túa lĕm tro ƀă tơniăn gâk kring tơnêi têa. Tơtrŏng má môi, hneăng hôp roh kố ôh tá tơkŭm po rah xo khu râ kăn pơkuâ tơdroăng cheăng Đảng hneăng nếo.

Khu pơkuâ tơdroăng cheăng Đảng kong pơlê kô rah xo mâu ngế pêi cheăng ki xiâm môi tiah Kăn pơkuâ hnê ngăn cheăng Đảng, Phŏ Kăn pơkuâ hnê ngăn cheăng Đảng ƀă xing xoăng kăn teăng mâ veăng hneăng hôp râ kong pơlê. Troăng pêi kố vâ tơniăn tơdroăng pơkuâ môi tuăn, tơniăn tơkŭm po tung hneăng pơtó klêi kơ’nâi tơmot chiâng môi.