Hôp tơpui tơno mơnhên, kơchâi drêh plâi pôm cho môi tung pái khu kơvâ tơmeăm pêi lo ing chiâk deăng tê ngi kong têa ê hên má môi dêi Việt Nam. Hơnăm 2024, tâi tâng ki kơnâ tê ngi kong têa ê kơchâi plâi pôm châ kơlo ki hên 7,12 rơtal dolar.

Mơhé tê ngi lối 80 kong têa ƀă kơpong kong têa kŭn laga kơchâi plâi pôm Việt Nam dế trâm ƀă mâu tơdroăng ki mơdât kih thuât rế hía rế kơtăng ‘na ki rơlối pơkeăng rak vế hdrê kơchâi plâi pôm, séa ngăn châ hlo ƀă pơkâ ‘na ki tơtro pêi cheăng, kong prâi. A hôp tơpui tơno, mâu ngế rơkê, khu pơkuâ, khu tê mơdró...tơbleăng ‘na tơdroăng ki ai khât nôkố, pơloăng mơnúa ƀă mâu troăng mơnhông tê ngi kong têa ê kơchâi drêh plâi pôm Việt Nam; hnoăng dêi khu tơrŭm cheăng tơnêi têa ngế krê tung mơdêk ki dâi lĕm kơchâi drêh plâi pôm tê ngi kong têa ê; tối mâu kŏng ngê̆ tung pêt mơjiâng kơchâi drêh plâi pôm ƀă hía hé.