Tung 2 hâi lơ 16 ƀă 17/9, mâu kăn Hô̆i đong kuăn pơlê dêi kong pơlê Lâm Đồng tơrŭm ƀă Khu ngăn Tơdroăng cheăng pêi dêi mâu kăn, Vi ƀan pêi cheăng dêi mâu kăn Kuô̆k hô̆i tơkŭm po Hôp mơhriâm vâ hlê ‘na luât, tơdroăng cheăng pêi ăm mâu kăn.

Ing tơdroăng mơhriâm tơdrêng ƀă mơhriâm ing mơ’no tơdrêng tiô troăng hyôh, hneăng Hôp hriâm tâp vâ mơdêk hlê plĕng ‘na luât, tơdroăng cheăng pêi ăm mâu kăn Hô̆i đong kuăn pơlê rêm râ dêi kong pơlê Lâm Đồng. Hneăng hôp châ tối mơgêi ing tíu mơ’no tiô troăng hyôh tơdrêng tung um a Đà Lạt troh 120 mơ’no tơdrêng tung kong pơlê ƀă ai 1.720 ngế kăn veăng hôp.

Pôa K’Mák, Phŏ kăn hnê ngăn Hô̆i đong kuăn pơlê dêi kong pơlê Lâm Đồng, ăm ‘nâi, ki khât a Lâm Đồng ăm hlo riân sap ing túa pêi cheăng kăn xiâm kong pơlê 2 râ châ tơbleăng ƀă ôh tá ai xếo râ tơring tơdroăng cheăng pêi dêi Hô̆i đong kuăn pơlê râ cheăm tâk hên ‘nâng pơkâ tơdroăng ki kal ‘na mơdêk ivá cheăng pêi xuân môi tiah mơdêk ki rơkê ‘na cheăng pêi vâ tơdroăng cheăng pêi châ tơƀrê tiô mâu hnoăng cheăng pơkâ ki nếo.