Kơthô pơtroh tối nhên, mâu  kong an, mâu lêng, mâu rak ngăn tơdroăng mơdró kâ, mâu gak ngăn tíu tê mơdró kăng kong, lêng tơkăng kong... thế hbrâ rơnáu rĕng ‘nâi plĕng mâu tơdroăng, teăm ‘nâi, teăm pơxâu phâk mâu ngế ki lâi pro xôi luât, ôh tá ăm kơdrâ ‘nâi, kơdrâ hlo.

Ngế pro xiâm hnê ngăn tơnêi têa tối nhên tơdroăng mơdêk lăm séa ngăn, gak ngăn troăng prôk, tơpâ mơdât on chếo kế pơtôu, lơ trâm xía vâ, mâu ki xôi, mâu pơlăm pơlối, thế kring tơniăn ăm hâi leh kân kal kí, lĕm tro, tơdroăng ôm hyô, xah hêi dêi kuăn pơlê. Mâu kong pơlê kal hbrâ troăng hơlâ hbrâ ví xia vâ xâu kong krâi pro ôh tá tơniăn, lơ mêi khía, thế tơniăn ivá ƀă tơmeăm khoăng. Ngế pro xiâm hnê ngăn tơnêi têa pơkâ thế mâu tíu pêi cheăng ki tơdjâk troh, hlá tơbeăng thế teăm chêh tối tơdrêng mâu tơdroăng ‘no ‘nâi, veăng rak tơniăn kal kí, tơniăn pơlê pơla, vâ kuăn pơlê tung lâp tơnêi têa tơdah Tết Tơniăn krê tung mâu hâi phiu ro tơniăn lĕm.