A rôh tơdah thươ̆ng tươ̆ng Phạm Hoài Nam  khĕn kơdeăn tơdroăng Khu xiâm pơkuâ ngăn lêng Nhuk ƀă Khu rak liăn kơdĭng Sanakawa hiăng tơrŭm krá ƀă Khu xiâm pơkuâ ngăn lêng  Việt Nam tơbleăng pêi Tơdroăng trâm mâ mâu sih quan râ tă, râ ŭi Việt Nam - Nhuk tung 7 hơnăm hdrối. Thươ̆ng tươ̆ng Phạm Hoài Nam tối nhên, Việt Nam ngăn mơdêk trâm mâ, tơrŭm pơla mâu khu tơrŭm cheăng, khu grup, ngăn mê cho ƀâng tơrŭm pêi cheăng ai tơƀrê xua pro pơxúa ăm kuăn pơlê péa tơnêi têa.

Thươ̆ng tươ̆ng Phạm Hoài Nam púi vâ Liăn ‘măn kơdĭng Hơniâp lĕm Sanakawa pơtối tơmâng khât tơbleăng tơrŭm hên tung tơdroăng veăng kum Việt Nam tung hnê hriâm, khăm pơlât, hyôh kong prâi, hnê mơngế pêi cheăng rơkê, malối cho kơvâ tŏng gum mâu ngế chó chêng plôm mâ klêk tuăn, mâu mố đô̆i tro rong râ, mâu ngế tro trếo ‘mêi rôh tơplâ nah.