Pôa Phạm Minh Chính, Ngế pro xiâm hnê ngăn Chin phuh, Kăn xiâm Khu hnê mơhno tơnêi têa hbrâ mơdât COVID-19 (Khu hnê mơhno) pơkuâ Roh hôp má 18 dêi Khu hnê mơhno mơ’no tơdrêng tung um tiô troăng hyôh măng ƀă 63 kong pơlê, pơlê kong kơdrâm ối tung Tơnêi têa. Xông tơpui a roh hôp, pôa Phạm Minh Chính tối nhên thế hbrâ, mơdât pơreăng COVID-19 lĕm tro tâ nếo vâ pêi pro mâu hnoăng cheăng kal kí, mơnhông cheăng kâ – rêh ối pơlê pơla dêi hơnăm 2022, hơnăm 2023 ƀă mâu hơnăm pơtối.

Khu hnê mơhno tơkŭm po roh hôp má 18 vâ mơnhên tơdroăng ƀă tơdroăng hbrâ, mơdât pơreăng COVID-19 xuân môi tiah mâu pơreăng xông tâ tú ki ê. Vâ hbrâ mơdât pơreăng COVID-19 châ tơƀrê, rak vế ivá, châ chăn dêi kuăn pơlê, pro tơ’lêi hlâu vâ tơniăn, mơdêk cheăng kâ – rêh ối pơlê pơla kal pơtối séa ngăn krá tơniăn, mơnhên tơdroăng, hbrâ mơjiâng mâu tơdroăng, troăng hbrâ mơdât ƀă pêi pro tơxâng tŭm mâu tơdroăng vâ mơdât tâng ai pơreăng xông tâ tú; tơdrêng amê, ‘nâi tơ’nôm mâu troăng cheăng ƀă tŏng kum kong pơlê hbrâ mơdât pơreăng COVID-19.