Ngế pro xiâm hnê ngăn tơnêi têa veăng Hôp WEF Davos rôh kố tơpui hên tơdroăng ki pơxúa kal khât tung hên troăng rơhlâ cheăng. Tơdroăng cheăng akố, tiô tối hdrối Ngế pro xiâm hnê ngăn tơnêi têa kô veăng hôp hlối tơpui tơbleăng a mâu hneăng hôp tơpui tơdroăng kal, tung mê, ai mâu tơdroăng ki ‘măn krê ăm Việt Nam, pơkuâ hên rôh hôp tơpui tơno ƀă mâu kăn xiâm mâu grup ki má môi, trâm mâ tơpui pơla péa pâ ƀă mâu kăn dêi mâu kong têa, mâu khu tơrŭm cheăng tung lâp plâi tơnêi ƀă mâu khu mơdró.

Kố xuân cho rôh vâ Việt Nam mơdêk tơpui tơno, thăm tơrŭm cheăng ƀă kong têa Swiss ƀă mâu khu tơrŭm cheăng tung lâp plâi tơnêi, pro trâu rơdâ tâ nếo tơrŭm cheăng tung hên kơvâ, malối cho cheăng kâ - Tê mơdró - ‘no liăn cheăng, pơtối tơbleăng pêi tơƀrê  troăng rơhlâ tơpui kâ dêi hneăng hôp Đảng tung lâp tơnêi têa rôh má 13.

Ngế pro xiâm hnê ngăn Chin phuh Phạm Minh Chính kô ai mâu rôh tơpui tơno, trâm mâ, pêi cheăng ƀă mâu kăn xiâm dêi Hungary ƀă Romania.