A rôh trâm mâ, kuăn pơlê mơngế Việt Nam a Qatar tối phiu ro hlo tơnêi têa pin rế mơnhông tơƀrê, kăn kăn xiâm Đảng, Tơnêi têa tơmâng khât ƀă mâu ngế Việt Nam a kong têa ê tối tơdjuôm ƀă a Qatar tối krê. Pôa Phạm Minh Chính, Ngế pro xiâm hnê ngăn tơnêi têa ăm ‘nâi, mơngế Việt Nam a kong têa ê ai dâng 6 rơtuh ngế, ối a 130 to kong têa.

Ngế pro xiâm hnê ngăn tơnêi têa púi vâ kuăn pơlê pơtối môi tuăn dêi rơpó, rak tro luât kơtêa ki tơná ối, kơhnâ pêi cheăng, hriâm tâp, pơtối rak túa lĕm tro dêi hdroâng mơngế pin. Ngế pro xiâm hnê ngăn tơnêi têa tối Đảng, Tơnêi têa, đi đo kring vế hnoăng ki pơxúa tro luât ki tơxâng dêi kuăn pơlê pin ki rêh ối a kong têa ê, pơkâ thế Kăn teăng mâ đi đo tơmâng khât, mơdêk tơrŭm krá, vâ Kăn teăng mâ ƀă kuăn pơlê pin chiâng mâu tíu ki tơngah khât dêi kuăn pơlê drêng trâm tơdroâng pá.