Ngế pro xiâm hnê ngăn tơnêi têa mơnhên tung tơdroăng mot tơrŭm lâp plâi tơnêi tối tơdjuôm ƀă mot tơrŭm cheăng kâ lâp plâi tơnêi tối krê, Việt Nam đi đo kheăn kơdeăn tơdroăng tơrŭm cheăng, tŏng kum dêi WTO. Kăn xiâm pơkuâ WTO jâ Okonjo – Iweala mơnhên Việt Nam cho môi tơdroăng châ tơƀrê ‘na mơ-eăm mơnhông cheăng kâ – rêh ối pơlê pơla; kheăn kơdeăn tơrŭm cheăng dêi WTO ƀă Việt Nam.

‘Na tơdroăng tơmâng tŏng kum dêi Ngế pro xiâm hnê ngăn tơnêi têa, Kăn xiâm pơkuâ WTO tối tơbleăng pơla kố nah hiăng ai môi khu ngế rơkê dêi Vi ƀan Châu Âu pêi cheăng ƀă WTO, tơmâng rơkong tơpui dêi mâu kong têa dế mơnhông ƀă WTO kơbông tŏng kum kih thuât kal khât. Kăn xiâm pơkuâ tối tơbleăng mơ’nui khế 2/2024 kô ai Hneăng hôp râ Ngế xiâm dêi WTO ‘na pơkâ rak tơniăn krúa lĕm kế kâ ƀă séa ngăn pơreăng a kuăn kiâ kong, kơchâi plâi pôm – SPS ƀă pói vâ Việt Nam thăm veăng.