Tiô pơkâ, troăng kân tiô tối hdrối xŏn 122 km, tíu a kó tơdjêp ƀă troăng kân ăm phêp rơxế kơtâu têi Bắc – Nam peăng mâ hâi Lo, tíu mơ’nui tơkoh Troăng kân tơnêi têa 14; troăng kân ai 4  hơlâ troăng lĕm, rơxế chiâng phêp kơtâu têi 100km/h, ai troăng kân ki pơtê thâ tơdrêng. Tâi tâng kơlo liăn mơ’no pro troăng kân dâng 29.000 rơtal liăn (tá hâi tin liăn rơkâ tung pơla mơjiâng pro).

Tơdroăng hbrâ mơ’no liăn cheăng tiô tối hdrối pêi pro sap hơnăm 2025 – 2026; mơjiâng pro sap hơnăm 2026 ƀă tiô tối hdrối kêi đeăng a hơnăm 2029. troăng kân ăm phêp rơxế kơtâu têi Phú Yên – Dak Lak ôh tá xê to po roh tơ’lêi mơjiâng troăng kân ăm rơxế kơtâu ing kơno têa kơxĭ Phú Yên troh mâu kơpong têa kroăng Mê Kông, mê ối mơdêk tơdroăng tê tơmeăm pêi lo ing chiâk deăng môi tiah kơphế, tiêu, sầu riêng... troh mâu kong pơlê Duyên Hải Nam Trung Bộ.