Vâ châ mâu pơkâ mơ’no, mâu khu xiâm kơvâ cheăng pâ thế pêi pro tơdrêng mâu troăng pêi môi tiah: mơ’no liăn ngân 100% pơkâ pêi kơxô̆ liăn mơ’no cheăng tơnêi têa iâ khế hiăng châ pơcháu; pơtối pêi pro Pơkâ 68 dêi Khu xiâm kal kí ‘na mơnhông cheăng kâ krê; pơkuâ troăng hơlâ liăn ngân hbrâ xêh, ƀeăn ƀĕng, teăm tơdrêng, châ tơƀrê; tah lôi ăm mâu tơdroăng tơkêa bro ki u ối; mơ-eăm troh tâi hơnăm 2025 pêi kêi đeăng lối 100 rơpâu toăng hngêi ối pơlê pơla, 3.000 km troăng kân ăm phêp rơxế kơtâu têi, ƀă pơkâ ‘mâi rơnêu mâu Luât, tung mê ai Luât tơnêi tơníu...

Mơgêi roh hôp, Ngế pro xiâm hnê ngăn tơnêi têa tối nhên 16 khu hnoăng cheăng, troăng pêi ki xiâm. Ngế pro xiâm hnê ngăn tơnêi têa pơkâ tá khu cheăng kal kí thế mot pêi pro ƀă khŏm mơ-eăm hên, tơdroăng mơ-eăm kân, pêi pro kơtăng, châ tơƀrê, pêi cheăng ki lâi klêi tơdroăng ki mê. Hngêi arak liăn Tơnêi têa hnê mơhno tơniăn ‘na yă tơmeăm, mơ-eăm pơtối kơdroh liăn rơkâ, tŏng gum mơjiâng tơmeăm khoăng tê mơdró ƀă tăng cheăng pêi ăm kuăn pơlê. Mâu kong pơlê mơnhông hên tâ nếo hiâm mơno hbrâ, tơmiât pêi rơkê, tơkŭm têa tah hngêi pơtân, hngêi xi kơchoh tung lâp tơnêi têa hdrối hâi lơ 31/8...