Hneăng hôp tơkŭm xéa ngăn, pơkâ hên tơdroăng kal môi tiah: ‘mâi rơnêu túa pơkâ ‘no liăn cheăng tơnêi têa, ‘mot tơ’nôm kơxô̆ liăn hrê tiah hmâ ăm mâu tơdroăng pơkâ pêi tơnêi têa, pơkâ troăng hơlâ tŏng gum kăn ƀô̆, kong chưk pêi cheăng a tíu pêi cheăng nếo ƀă chêh pro túa pơkâ mơnhông 6 khế mơ’nui hơnăm 2025.

Jâ Cao Thị Hòa An – Phŏ kăn pơkuâ ngăn Đảng, Kăn hnê ngăn Hô̆i đong hnê ngăn kong pơlê Dak Lak tối nhên, klêi kơ’nâi tơbleăng pêi túa pơkâ kăn pơkuâ péa râ ing hâi lơ 1/7, kơ koan cheăng hiăng pêi cheăng tơniăn. Kăn hnê ngăn Hô̆i đing kong pơlê pơkâ thế mâu kăn mơdêk hnoăng cheăng pôu râng, tơpui tơno nhên, veăng tơpui mâu tơdroăng ki tro ‘ló vâ pơkâ pêi tro ƀă tơdroăng ki ai khât, veăng gum mơnhông krá tơniăn ƀă ‘mâi mơnhông tơdroăng loi dêi kuăn pơlê.