Tơdroăng tơkêa bro ai tâi tâng kơxô̆ liăn mơ’no lối 1.750 rơtal liăn, tiô tối hdrối kêi đeăng tung 3 khế mơ’nui hơnăm 2026. Hngêi tơkôm to rơxế T2 ai ivá pơto 3 rơtuh tơmối/hơnăm, po rơdâ tâk 5 rơtuh klêi kơ’nâi hơnăm 2030; plông tot tơƀai kô tâi tâng 8 tíu tot. Nôkố tơraih tơƀai Đồng Hới hiăng hluâ ivá mơjiâng pro lối 50%, hơnăm 2025 tiô tối hdrối châ 1 rơtuh roh tơmối.

Ngế pro xiâm hnê ngăn tơnêi têa phiu ro hiâm mơno pêi cheăng ôh tá riân kơhâi pơtê dêi khu ki mơjiâng pro; pơkâ thế pơtối rak troăng pêi ‘’pêi kơhâi, pêi kơmăng, pêi tơ’nôm hâi pơtê’’, mơ-eăm kêi đeăng tơdroăng tơkêa bro hluâ tơdroăng mơjiâng pro a roh 30/4/2026, tơniăn dâi lĕm, kih thuât, kơchuâ um, tơniăn ƀă kruá lĕm kong prâi.