Nôkố kong pơlê Gia Lai (nếo) ai lối 1.200 tíu ối pơtê ƀă dâng 23 rơpâu to veăng ối pơtê, tơkŭm hên a bêng Quy Nhơn (pơlê kong kơdrâm Quy Nhơn hdrối nah). Laga, mâu tíu ối pơtê đi đo ai hên kơdrâm kuăn mơngế tung to lâi khế hdrối. Tiô Khu ngăn Túa lĕm tro, Tơ’noăng ivá ƀă Ôm hyô Gia Lai, tơdroăng ki vâ mung tíu ối pơtê tâk hên a rơnó kố ôh ti xê cho môi tơdroăng ăm hlo tơƀrê ing mơjiâng pro kơpong ôm hyô, mê ối cho tơdroăng rơhêng vâ hên dêi mâu ngế pêi cheăng rêh ối a tíu pêi cheăng kong pơlê nếo.

Kơvâ ôm hyô kong pơlê hiăng hbrâ rơnáu cheăng hnê tối, pơkâ troăng tơmiât pêi, tro, ví tơdroăng ki ai hên tơmối luâ râ mê ah chiâng tơdjâk troh tíu ối ôh tá chiâng tơniăn tro môi tiah hdrối.