Tơpui mơgêi a rôh hôp, pôa Lương Cường, Kăn xiâm hnê ngăn tơnêi têa mơnhên tối khât dêi Ƀơrô cheăng Kăn xiâm hnê ngăn tơnêi têa tung pơla lâp plâi tơnêi ƀă tung kơpong pơtối ôh tá tơniăn; tung tơnêi têa, túa kăn pơkuâ kong pơlê péa râ klêi kơ’nâi péa tơbleăng pêi apoăng hlo pêi cheăng tơƀrê; mâu kong pơlê, khu xiâm kơvâ cheăng tơkŭm tơbleăng pêi pro hneăng hôp Đảng ƀô̆ rêm râ.

‘Na túa tơmiât pêi hnoăng cheăng tung la ngiâ, Kăn xiâm hnê ngăn tơnêi têa tối tiah kố, tơdroăng cheăng gá hên pơkâ thế Ƀơrô cheăng kăn xiâm hnê ngăn tơnêi têa athế mơnhông tâi ivá, pêi pro rơkê plĕng, tiô hiâm mơno hbrâ rơnáu vâ tơbleăng pêi pro hnoăng cheăng hriăn ngăn, tí tăng ‘nâi plĕng, gum ăm Kăn xiâm hnê ngăn tơnêi têa, Phŏ kăn xiâm hnê ngăn tơnêi têa tung mâu kơvâ tơpui kâ tung tơnêi têa, tơpui kâ ƀă kong têa ê; teăm tí tăng ‘nâi plĕng mâu tơdroăng ki tro ƀă tơdroăng ai khât, rak vế tơdroăng pêi ƀă rơkê plĕng tung tơdroăng cheăng; malối cho a mâu rôh po tơdroăng ki kal ‘na  tơpui kâ tung tơnêi têa, tơpui kâ ƀă kong têa ê tung rôh Tơbâ 80 hơnăm kăch măng Khế Tơheăm ƀă mơjiâng tơnêi têa lơ 2/9.