Klêi kơ’nâi 32 hơnăm mơjiâng ƀă mơnhông mơdêk, kơ koan teăng mâ kơpong Tây Nguyên hiăng mơnhên châ tíu pêi cheăng dêi môi kơ koan chêh hlá tơbeăng Tơnêi têa a kơpong, ai hnoăng kal khât tung pêi pro mâu tơdroăng tơpui nâl hdroâng kuăn ngo, mơ’no tung hyôh tơnêi têa. Rơtế ƀă pêt mơjiâng tơmeăm a tơdrêng ƀă mơ’no 6 nâl tơpui: Rơđế, M’Nông, Jarai, K’Ho, Bơhnéa ƀă Rơteăng, tơdah hyôh tơdroăng tơpui nâl Mông, nâl Thái, Kơ koan teăng mâ kơpong Tây Nguyên ối tơkŭm po ti tăng rah tơdrá ƀai chêng koăng, rơngê ting ting, tơdroăng hơ’muăn Tây Nguyên; hriăn plĕng khoa hok kum tơdroăng tơplôu tơbleăng ƀă mơ’no nâl hdroâng kuăn ngo; tối tơbleăng, chêh tối ‘na rêm tơdroăng rêh ối cheăng kâ - kal kí, rêh ối pơlê pơla ƀă mâu tơdroăng chêh hlá tơbeăng tung hên kế ki mơ’no hyôh dêi Rơ’jíu Việt Nam.

Pôa Đinh Hữu Trường, Kăn ƀơrô Mơngế chêh hlá tơbeăng VOV Tây Nguyên tối, tơdroăng môi hiâm mơno, tơrŭm môi tuăn dêi khu pú hên kăn ƀô̆, kŏng nhân viên kơ koan kô cho roh tơ’lêi, ivá mơhnhôk vâ pơtối kêi đeăng hnoăng cheăng tung hneăng nếo, rơtế lâp tơnêi têa, kơpong, mơhno tơdroăng hiâm mơno ‘’tơrŭm môi tuăn – tơkâ hluâ pá puât – ƀeăn ƀĕng – khôi túa lĕm – tơtro’’.