Tơbleăng tâi tâng tơdroăng tơkŭm veăng hnê tối tung tham luâ̆n, tơpui tơno a hneăng Hôp ăm ‘nâi, mâu tơdroăng veăng hnê tối  mơhno ki phiu ro, hlo châ tơƀrê kân tung tơdroăng pơhlêh nếo dêi tơnêi têa, tung mê ai hnoăng veăng ‘no kân kĭn dêi Khu tơrŭm môi tuăn hdroâng mơngế. Pơkâ thế pơtối tối nhên, tơleăng hnoăng cheăng pêi dêi Măt trâ̆n tung tơdroăng cheăng nôkố, veăng mơnhông tơnêi têa mot cheăng tung hneăng ki nếo ƀă pơkâ thế mâu troăng rơhlâ pêi tơƀrê tâ vâ mơdêk ki tơƀrê tung tơdroăng cheăng măt trâ̆n tung hneăng ki nếo a la ngiâ.

Hneăng hôp tơpui tơno rah xo 397 ngế veăng cheăng tung Vi ƀan xiâm Măt trâ̆n tơnêi têa Việt Nam hneăng 10. Pôa Đỗ Văn Chiến, Ngế cheăng tung khu xiâm Kal kí, Kăn hnê ngăn Tíu xiâm Đảng, Kăn xiâm hnê ngăn Vi ƀan xiâm Măt trâ̆n tơnêi têa Việt Nam  hneăng 9 pơtối châ rah xo pro Kăn hnê ngăn Vi ƀan xiâm Măt trâ̆n tơnêi têa Việt Nam hneăng 10.