Pôa Lê Minh Khái, Ngế pro xiâm phŏ hnê ngăn tơnêi têa mơnhên, tơdroăng pơkuâ yă apoăng hơnăm trâm hên pá puât. Tơdroăng cheăng kâ lâp plâi tơnêi pá puât, tơvâ tơvân, ôh tá ‘nâi tối hdrối. Liăn chu rơpâ yă ai kơdroh laga xuân a kơlo ki hên. Tung tơnêi têa, yă tơmeăm khoăng trâm pá, laga xuân ối tiô teăm tơdroăng pơkâ mơ’no.

Rêm hơnăm tiô pơkâ luât, mâu khế apoăng hơnăm tâk ƀă kơdroh chôa ‘lâng a khế 4, khế 5/2024. Mơhé mê, Kăn pơkuâ hnê mơhno pơkuâ yă pơkâ thế mâu khu xiâm, kơvâ cheăng, kong pơlê ôh tá tơngôu tung pơkuâ. Vâ hbrâ mơdât ƀă mâu pơloăng mơnúa tung tơdroăng pơkuâ yă tung mâu khế pơtối dêi hơnăm 2024, pôa Lê Minh Khái pơkâ thế mâu Khu xiâm, kơvâ cheăng, kong pơlê hbrâ mơdêk pêi pro mâu troăng dêi Chin phuh, Ngế pro xiâm hnê ngăn Chin phuh a mâu mơ-éa hnê mơhno pơkuâ ƀă rơkong hnê mơhno dêi Ngế pro xiâm hnê ngăn tơnêi têa a mâu Tơbleăng mơgêi roh hôp Khu hnê mơhno rêm hneăng.